Wasiirka G/dhiga iyo Taliyaha ciidamada DFKM oo ku wajahan gobalka J/hoose

Kismaayo:-Wasiirka gaashaandhiga ee DFKM ahna Ra’isal wasaare kuxigeenka Xuseen Carab Ciise ayaa u ambabaxay deegaano ka tirsan Jubooyinka waxaana socdaalkiisa ku weheliya Taliyaha ciidamada xooga dalka Jen. C/qaadir Sh. Cali Diini iyo saraakiil Kenyan ah .

Wafdiga uu hogaaminayo wasiirka G/dhiga ee DFKM ayaa waxay tagi doonaan deegaanada Dhoobley, Taabto, qooqaani iyo deegaano kale oo Ciidamada Kenyaan ah iyo kuwa huwan ah ay la wareegeen dhawaan.

Socdaalka wasiirka Difaaca ee DFKM iyo Taliyaha ciidamada xooga dalka Jen. C/qaadir Sh. Cali Diini ayaa ka danbeeyey ka dib markii heshiis ay kala saxiixeen labada Raisulwasaare ee dowlada Kenya iyo DFKM waxaana si wada jir ah loo dhisay Gudi wada jir ah oo ka shaqeeya amaanka iyo isku xirka labada dowladood kaas oo xoojin doona howlgalada ka socda gobalka J/hoose.

C/Casiis Maxamed
Halgan.net