Qeybtii 3aad Muwaadiniin Soomaali ah oo laga soo tarxiilay Kenya

Muqdisho:-Saraakiisha Waaxyaha iyo Qeybaha Habmaamuuska, Warbaahinta iyo Xiriirka Bulshada ee Wasaaradda Arrimaha Dibadda iyo Dhiirigelinta Maalgashiga ayaa maanta ku soo dhoweeyay garoonka diyaaradaha caasimadda Muqdisho 88 ruux oo ah muwaadiniin Soomaaliyeed oo laga soo daad gureeyay dalka Kenya, kuwaasoo ah qeybtii seddexaad oo Magaalada Nairobi looga soo qaado diyaarad gaar ah.

Howsha dadkani lagu soo dhoweynayay oo jawi heer sare ah u dhacday , ayaa waxaa Saraakiisha Wasaaradda kala qeyb qaatay Safiirka Jamhuuriyadda Federaalka Soomaaliya uga wakiilka ah dalka Kenya iyo Xoghayaha koowaad ee Safaaradaasi .

Muwaadiniintani Soomaaliyeed oo isugu jiray dhalinyaro ,haween ,iyo carruur ayaa wejiyadooda laga dareemayay farxad iyo reyn-reyn ay u muujinayeen jaceylka dalkooda hooyo oo dib loogu soo celiyay .

Xafiiska Qeybta Warbaahinta iyo Xiriirka Bulshada ee Wasaaradda
Section of Press and Public Relations