Ra’isal Wasaaraha DFS Cumar Cabdirashiid oo gaaray Magaalada Cadaado

Cadaado:-Ra’isal Wasaaraha DFS Cumar Cabdirashiid Cali Sharmaarke ayaa gaarey magaalada Cadaado waxaana halkaas si weyn ugu soo dhaweeyey masuuliin ka tirsan Maamulka ximan iyo xeeb wasiiro xildhibaano iyo gudiga Maamul u sameynta gobalada dhexe.

Magaalada Cadaado ayaa waxaa maanta ka furmaya wejiga labaad ee shirka maamul u sameynta gobollada dhexe sida uu shalay shaaciyey Wasiirka Arrimaha Gudaha ee DFS C/raxmaan Maxamed Xuseen (Odawaa).

Wafdiga Ra’isal Wasaaraha DFS ayaa waxaa loo gudbiyey goobta loogu talo galay inay degaan iyaga oo khudbado ka jeedin doona hoolka uu ka socdo shirka maamul u sameynta gobalada dhexe.

Wixii warar ah ee ka soo kordha Socdaalka Ra’isal Wasaaraha DFS Cumar Cabdirashiid Cali Sharmaarke ee Cadaado dib baan idiinka soo gudbin doonaa inshalaah.

A/Cawale
Halgan.net