Wasaarada Amniga ee DFS oo shaacisay cida dishay Xildhibaan Yuusuf Dirir

Muqdisho:-Afhayeenka Wasaarada Amniga Gudaha ee DFS Maxamed Yuusuf Cismaan oo Shir Jiraa’id u qabtay magaalada Muqdisho ayaa sheegay in DFS ay ogaatay Cida ka danbeysa Dilka Xildhibaan Yuusuf Dirir.

Maxamed Yuusuf Cismaan Afhayeenka Wasaarada Amniga Gudaha ee DFS ayaa si faahfaahsan waxaa uu u sheegay in dilka xildhibaan Yuusuf Dirir ay ka danbeeyeen Ciidamo ka tirsan Xoogga Dalka waxaana sidoo kale weerarka ku dhaawcmay Xildhibaan Cabdalla Boos.

Afhayeenka Wasaarada Amniga Gudaha ee DFS Maxamed Yuusuf Cismaan ayaa yiri  “Gaariga ay wateen Xildhibaanada oo maraya Wadada Maka Al-mukarama ayaa waxaa ka daba yimid Gaariga ay la socdeen Ciidamada Xoogga Dalka oo xowli ku socda Hoon yeerinaya,kadib Gaarigii Ciidamada Milatariga ay wateen ayaa Gaariga Xildhibaanada ku hor jaray gaarigii ay saarnaayeen xildhibaanada kuna furay rasaas waxaana ku dhintay goobta alaha u naxariistee xildhibaan Yuusuf Dirir iyo darwalkii gaariga ”ayuu yiri Afhayeenka Wasaarada.

Afhayeenka Wasaarada Amniga Gudaha ee DFS Maxamed Yuusuf Cismaan ayaa sheegay in DFS ay u saartay Guddi ka kooban 7 Xubnood kuwaas baaritaan degdeg ah ku sameyndoona Dhacdadaan .

Maxamed Yuusuf Cismaan Afhayeenka Wasaarada Amniga Gudaha ee DFS ayaa meesha ka saaray in Xildhibaan Yuusuf Dirir ay dileen kooxda Al-Shabaab.

A/Cawale
Halgan.net