Koox hubeysan oo gudaha u galay Hotelka Radisson Blu ee dalka Mali

Mali:-Koox hubeysan oo la maleynayo in ay taageersan yihiin Daacish ayaa lagu soo waramayaa in goordhow ay gudaha u galeen Hotelka Radisson Blu oo ku yaal caasimada Mali ee Bamako.

Hotelka ayaa waxaa dega inta badan dadka ajaanibta ah iyo shaqaalaha QM ee dalka Mali waxaana hotelka laga dhexmaqlayaa rasaas ay ridayaan kooxha afduubka u heysta dadkii deganaa Hotelka .

Ciidanka amaanka ee dalka Mali ayaa isku gadaamay Hotelka waxaana sidoo kale ciidamo gaar ah u soo diray dalka Faransiiska .

Wararka ka imaanaya Mali ayaa sheegaya in 80 ka mid ah dadkii lagu haystay hoteelka Radisson Blu ee magaalada Bamako ee caasimadda dalka Mali  lasii daayey .

Kooxda Hubeysan ayaa waxaa ay ku heystaan 170 qof gudaha Hotelka ,Ciidamo gaar ah ee dalka Mali ayaa dabaq dabaq u galaya hotelka ayaga oo doonaya inay soo badbaadiyaan dadka waxaana la maqlayaa Rasaas goosgoos u dhacaysa.

A/Cawale
Halgan.net