.gif)
Madaxweynaha Dawladda Puntland oo Daahfuray mashruuca daadejinta adeegga wadooyinka Puntland.[Masawiro]
November 11, 2015 - Written by Editor
Garoowe:-Madaxweynaha Dawladda Puntland Dr.C/weli Maxamed Cali Gaas ayaa maanta oo ay taariikhdu tahay 11-11-2015 si rasmi ah xariga uga jaray mashruuca daadejinta adeegga wadooyinka Puntland . Ugu horeyn madaxweynuhu waxaa uu xariga ka jaray aargo iyo dhisme masaajid oo Wasaaradda Howlaha guud iyo gaadiidka Puntland ku dhisatay Barnaamijka isku tashiga Puntland .
Intaas ka dib ayaa Madaxweyne Gaas waxaa uu hoolka shirarka ee wasaaradda howlaha guud iyo gaadiidka Puntland ku daah furay mashruuca daadejinta adeegga wadooyinka Puntland , oo ah mashruuc horumarineed laguna bilaabayo degmooyinka Garoowe iyo Qardho.
” Hadii aan la helin wado fiican ama aan la dayactirin wadooyinkii hore wax horumr ah oo la gaarayo ma jirto, kaabayaasha dhaqaalaha aan sheegayana kama soo harto jid , ” Ayuu yiri Madaxweyne Gaas.
Madaxweynaha ayaa sidoo kale bogaadiyey daahfurka mashruucaan , waxaana uu sheegay inuu rajeynayo in degmooyinka kale ee Puntland laga fuliyo si adeegga bulshada si siman dalka u gaaro .
” Mahaariicdaan ay hay’aduhu fulinayaan waa wakhti kooban , marka waxaa larabaa inaynu qorshe sameysano , qorshahaasina waxaa uu noqonayaa inaynu isku tashano ” Ayuu hadalkiisa sii raaciyey Madaxweynuhu.
Gudoomiyaasha Degmooyinka Garoowe iyo Qardho ayaa madaxweynaha hortiisa ku saxiixay mashruucaan oo ay iska kaashanaayaan fulintiisa Dawladda Puntland iyo Barnaamijka JPLG .
no images were found
-DHAMMAAD-
Xafiiska Warfaafinta, Wacyigelinta, Hiddaha Iyo Dhaqanka ee Madaxtooyada Puntland.
