Madaxweynaha Galmudug oo dib ugu soo laabatay magaalada Cadaado

Cadaado:-Wararka naga soo gaaraya magaalada Cadaado ee xarunta ku meelgaarka ah ee Maamulka Galmudug ayaa sheegaya in Madaxweynaha Galmudug Cabdikariin Xuseen Guuleed iyo wafdigii uu hogaaminayay uu dib ugu laabtay magaalada Cadaado kadib mararkii uu booqasho ku tagay magaalada Addis Ababa ee xarunta dalka Itoobiya.

Madaxweynaha maamul goboleedka Galmudug Cabdikariin Xuseen Guuleed ayaa intii uu ku sugnaa magaalada  Addis Ababa ee xarunta dalka Itoobiya waxaa uu kulan la qaatay wasiirka arrimaha dibedda ee dowladsa Itoobiya Tedros Adhanom waxayna ka wada hadleen xiriirka Galmudug iyo Itoobiya.

Madaxweynaha Galmudug ayaa markii uu soo gaaray magaalada Cadaado wuxuu la hadlay warbaahinta waxaana uu sheegay in madaxda dalka Itoobiya ay ka wada hadleen iskaashiga Gancsiga ,amniga  Galmudug iyo Itoobiya wuxuuna sheegay in safarkiisii uu guul ku soo dhamaaday .

Waa Socdaalkii ugu horeeyey ee uu Madaxweynaha maamul goboleedka Galmudug Cabdikariin Xuseen Guuleed uu ku tagay dalka Itoobiya ilaa intii loo doortay madaxweynaha Galmudug.

A/Cawale
Halgan.net