Xafladii xilwareejinta iyo daahfurka dhismaha cusub ee Machadka Imaamul-Bukhaari Galdogob.[Masawiro]

Galdogob:-Xaflad si heersare ah loo soo agaasimay ayaa usbuucii dhawayd ka dhacday dhismaha cusub ee Machadka Imaamul-Bukhaari ee magaalada Galdogob ee gobolka Mudug taasoo looga gol lahaa soo dhawaynta maamulaha cusub Sh.C/laahi Cali Ugaas iyo sagootinka maamulihii hore Sh.Maxamuud Cabdi Sahal, islamarkaasna lagu daahfurayey dhismaha cusub ee Machadka.

Xaflada ayaa waxaa kasoo qayb galay guud ahaan qaybaha bulshada: sida culumaaudiinka, hogaanka dhaqanka, maamulka, ganacsatada, dhalinyarada iyo dadwayne aad u faro badan dhamaantoodna waxay ku nuuxnuuxsadeen ahmiyada machad kaani u leeyahay bulshada deegaanka iyo sida loogu baahan yahay in la garab istaago.

Gudoomiyaha raabidada macaahida shareecada Sheekh Axmed C/samad ayaa faahfaahiyey horumarka ay ku tilaabsadeen macaahida raabidadu ayagoo sanadkaan xubin buuxda ka noqday  iskuxirka guud ee macaahida diinta ee caalamul islaami oo dhan.

Dhismaha Machadka oo ah dhisme casri ah kana kooban labo dabaq ayaan reer Galdogob u kala harin dhismihiisa dal iyo dibadba waxaana ku baxay dhismihiisa ku dhawaad 200,000$ walina qaar dayn ahaan loo leeyahay, waxaana la filayaa inuu lafdhabar u noqdo faafinta diinta islaamka xag waxbarasho iyo xag dacwoba.

no images were found

Machadka Imaamul-Bukhaari
ee magaalada Galdogob