Dagaalo goos goos ah oo u dhexeeya Puntland iyo Daacish ka socda duleedka Qandala.

Boosaaso:-Dagaalo goos goos ah oo u dhexeeyay Ciidamada Difaaca Dowladda Puntland iyo kooxda Daacish ayaa ka dhacay duleedka degmada Qandala ee gobalka Bari. Dagaalka ayaa inta badan wuxuu ka dhacay buuraha ku xeeran Degmada Qandala.

Ciidamada Difaaca Dowladda Puntland ayaa la sheegay iney la wareegay Saldhig ay duleedka degmada Qandalada ay ku lahaayeen kooxda Daacish waxaana haatan dagaalka isigu soo uruuray duleedka Degmada Qandala.

Warar hoose oo aan ka helnay ilo lagu kalsoon yahay ayaa sheegaya in dagaalkii shalay uu geystay khasaaro leh dhimasho iyo dhaawac waxaana wararku intaas ku darayaan in ciidamada Puntland ay saldhigyo iyo gaari ka qabsadeen Daacish.

Ilaa haatan si faahfaahsan looma ogaan karo Khasaaraha dhabta ah ee kala gaaray labada dhinac iyada oo ay aad ciriiri u tahay xiriirka Isgaarsiinta oo ka maqan tahay deegaanada ku xeeran degmada Qandala ee gobolka Bari.

M_M Deeq
Halgan.net