Xaflad lagu soo gunaanaday tartankii kooxaha raabidada ee dalka Sudan.[Masawiro]

Sudan:-Habeenimadii jimcaha ee ku beegnayd 2/12/2016 ayaa waxaa ka dhacday caasimada Khartuum ee wadanka Sudan, xaflad si heer sare ah loo soo agaasimay oo lagu soo gunaanaday tartan mudo bil ah u soo socday 8 kooxood oo ka mid ah ardayda ka diiwaan gashan xiriirka ardayda soomaaliyeed ee Suudaan, Tartanka oo looga gol lahaa dardargalinta tayada aqooneed ee ardayda iyo muujinta halabuurkooda ayaa xaqiijiyey dhamaan yoolashii laga lahaa sida ay sheegeen maamulka ururkaas.

Xafladda ayaa lagu gudoonsiiyey kooxihii kaalimaha hore ka galay tartanka abaalmarino ay ka maqsuudeen iyo shahaado sharafyo, halka ay culumadii iyo aqoonyahankii kulanka kasoo qaybgalay ay ku booriyeen ardayda inay dadaalkooda sii laban laabaan, waxaana khadka teleefoonka uga qaybgalay Sh. Axmed C/samad oo ka mid ah culumada iyo ducaada ugu caansan wadanka Soomaaliya.

no images were found

Ugu danbayn kasoo qaybgalayaashii xaflada iyo ardaydii tartamaysayba waxay mahad balaaran usoo jeediyeen maamulka ururka, oo looga bartay waxqabad iyo wacyigalin joogto ah oo uu u sameeyo ardayda iyo jaaliyada soomaaliyeed ee Sudaan.

Halgan.net