Doonta Al-xafiis oo la filayo in rarkii saarnaa laga dejiyo maalinta beri ah.[Masawiro]

Boosaaso:-Waxaa ilaa mudo 7 cisho ah ka socda magaalada Boosaso dadaal balaadhan oo lagu dhisayo Dekedda macmalka ah oo la doonayo in lagu badbaadiyo doon weyn oo sidda agab kale duwan oo ku soo caariday meel aan sidaas uga fogayn dekkada weyn ee Boosaaso ee xarunta Gobolka Bari.

Dadaalkaan ayaa waxaa wada Culimada, Ganacsadata , Aqoon yahanka iyo dhamaan bulshada qaybahed kale eek u dhaqan magaalada Boosaaso waxaan ay hiil iyo hooba u horeen sidda lagu badbaadin lahaa doonta Al-xafiis oo agabka saran lagu qiyaasay 8 Milyan oo doolar.

Gudoomiyaha badbaadada doonta doonta Al-xafiis Sh Fu’aad Maxmuud Xaaji Nuur oo la hadlay saxaafadda ayaa sheegay in howshu tahay gabagabo dhawaan ay bilaabi doonaa in doonta ay ka dejiyaan agabka saaran isagoona ka codsaday bulshada Soomaaliyeed in ay u soo duceeyaan in hwsha Alle u fududeeyo.

Gudoomiyaha badbaadada doonta doonta Al-xafiis Sh Fu’aad Maxmuud Xaaji Nuur ayaa ku amaanay ganacsatada , culimada ,aqoon yahanka iyo weliba cidanka amniga sidda wanagsan oo howsha looga wada qayb qaatay ayna taas tusinayso haddii la midoobo in wax walba ay bulshadu qaybsan  karto.

no images were found

Dekedan macmalka ah ayaa lagu dhisay hab iskaa wax u qabso ah, waxaan arrin taas hormuud u ah ganacsadata , culimada iyo aqoon yahanka reer Boosaaso oo gacan ka hellaya guud ahaan bulshada ku dhaqan magaalada Boosaaso ee xarunta Gobolka Bari.

Hoos ka daawo Gudoomiyaha badbaadada doonta doonta Al-xafiis Sh Fu’aad Maxmuud Xaaji Nuur

 M_M_Deeq
Halgan.net