Ciidanka PSFoo howl gal ka fuliyey Buuraha Calmadow[Masawiro]

Boosaaso:-Ciidamada PSF oo qoraal ku faafiyey Barta ay ku leeyihiin Baraha bulshada ayaa waxaa ay sheegeen in 21 March, 2019 ay ku qaadeen hawlgal qorshaysan goobo ay ururka Al Shabaab kaga dhuumalaysana yeen degaanada kala ah Madarshoon, Karin Xagarood, Mariidle, iyo Diindigle oo dhamaan ka tirsan Buuraha Calmadoow ee Gobolka Bari.

Ciidamada PSF waxay hawlgalkan ku xuseen in ay ka gaareen guulo muhiim ah, waxay na Al Shabaab ka dileen intii howl galku socday ilaa 19 xubnood , iyaga oo tiro kale oo intaa ka badan oo Al shabaab ahna dhaawacyo gaarsiiyey, sidoo kalena ciidamada PSF waxay ka gubeen Al Shabaab raashin ay kaga carareen goobihii ciidamadu ku weerareen.

no images were found

Ciidamada PSF waxaa ka go’an in ay god iyo geed walba ka daba galaan kooxaha cadowga ah ee Puntland ku soo duulay , si kooxahaas looga ciribtiro loogana sifeeyo deegaanada Puntland iyo guud ahaan dalka Soomaaliya.

M_M_Deeq
Halgan.net