Suldaan Dhure oo xalay lagu dilay Kismaayo

Kismaayo:-Waxaa xalay koox dablay ah oo hubaysan ay ku dishay magaalada Kismaayo Allaha u naxariistee Suldaan Rashiid Dhure oo ka mid ahaa salaadiinta Dhaqanka ee magaaladasi Kismaayo laga yaqaan.

Suldaan Rashiid Dhure ayaa waxaa la dilay xili uu ka soo baxay salaadii Makhrib waxaan xiliga la dilay la socday nin kale oo qayliyey markii suldaanka lagu bilaabay rasaasta kaas oo markii danbe ay dileen kooxdii suldaanka dishay.

Suldaan Rashiid Dhure ayaa waxaa uu ka mid ahaa salaadiinta wadey soo xulusta xubnaha Baarlmaanka maamulka Jubbaland oo dhawaan ay ka dhici doonto doorashada madaxweynanimada .

Suldaan Rashiid Dhure ayaa waxaa dilkiisa  masuuliyiinta amniga ee Jubbaland ay ku eedeeyeen ururka Al-shabaab  iyagoona faray laamaha amniga in ay cadaalada la horkeeno kuwa dilka u geystay Suldaan Dhure.

A/cawaale
Halgan.net