Wasiirka Arrimaha Gudaha Puntland oo tegay degmada Towfiiq ee Gobolka Mudug

Towfiiq:- Wasiirka Wasaaradda Arrimaha Gudaha Federalka iyo Dimuqraadiyeynta Puntland Maxamed Dhabancad oo socdaal nabaddeed ku Tagey Degmada Towfiiq ee Gobolka Mudug.

Ujeedka safar Wasiirka ayaa salka ku haya xalinta dagaal beleed kii dhawaan ka dhacay Degaanka Af-Barwaaqo iyo sidii xal nabadeeda looga dhex dhalin lahaa beelaha dirirtu dhex martay iyo sii xoojinta Guud ahaan nabadda Gobalka Mudug.

Maxamed Dhabancad wasiirka Wasaaradda Arrimaha Gudaha DPL ayaa kulumo kale duwan layeeshay Waxgaradka iyo odayaasha Degmada Towfiiq, saraakiisha Ciidamada Gudoomiyasha Degmooyinka Jariiban iyo Towfiiq.

Ugu danbeyn Markii uu soo dhammaaday kulamadda wasiirka ayaa ka warbixyey kulamada kale duwanaa ee laqaatay qeybaha kale duwan ee bulshada iyo saraakiisha Ciidamada.

“Cuqaasha iyo Waxgaradka iyo saraakiisha Ciidamada iyo Maamulka waxaan isugu nimid inaanu ka hadalno kana dirno baaq nabaddeed Puntland waxay diyaar utahay in dagaalka lagu soo dabaalo nabad iyo in laxoojiyo nabadii kasocotay Gobalka oo ay qeyb ka yihiin Puntland iyo Galmudug nabadaas oo hormuud ka yihiin isimada iyo Waxgaradka iyo cuqaasha arrintaas waxaan rabnaa inay sii xoogaysato Puntland iyo Galmudug waxay si wada jir ah uga wada shaqeenayaan nabada”

Wasiir Dhabancad ayaa ugu mahad celiyey saraakiisha Ciidamada Puntland iyo Galmudug iyo Waxgaradka, odayaasha labada Maamul ee ka shaqeenayey in dagaalka Labada Beelood xal nabaddeed lagu soo dabaalo.

DHAMMAAD