Dagaal culus oo ka socda deegaano ka tirsan gobalka J/hoose

Afmadow:-War haatan naga soo gaaray magaalada Kismaayo ayaa sheegaya in dagaal culus uu ka socdo deegaano ka tirsan gobalka J/hoose kuwaas oo ay isku horfadhiyeen ciidamada huwanta iyo Ururka Al-Shabaab.

Dagaalka ayaa maanta duhurkii waxaa uu ka qarxay duleedka deegaanka miido  wuxuuna dagaalka ku bilaawday duqeyn ay is dhaafsadeen ciidamada JFS kuwa Raaskambooni oo ay bari taarayaan ciidamada Kenya iyo ciidamada Ururka Al-Shabaab .

Sarkaal u hadlay ciidanka DFS ayaa sheegay in dagaalka uu haatan ka socdo deegaanka Birta Dheer oo magaalada Kismaayo u jirta qiyaastii  60-KM

Halgan.net ayaa xiriir kala duwan la sameysay qaar ka mid ah dadweynaha ku dhaqan Degmada Afmadow waxayna u xaqiijiyeen in uu dagaalku socdo ayna ka qeyb qaadanayaan diyaarado ay leedahay dowlada Kenya.

Ilaa haatan ma jiraan cid ka tirsan Al-Shabaab oo ka hadashay dagaalka ka socda gobalka J/hoose .

A/Cawale
Halgan.net