Wufuud ka socta hay’adda horumarinta iyo iskaashiga caalamiga Turkiga oo Boosaaso soo gaaray

Garoowe:-Waxaa galabta soo gaaray magaalada Boosaaso ee xarunta gobalka Bari Wafdi ballaaran oo ka socda hay’adda horumarinta iyo iskaashiga caalamiga ee dalka Turkiga (TIKA) waxaana garoonka diyaaradaha ee magaalada Boosaaso ku soo dhaweeyey wasiirka caafimaadka Puntland Dr. Cali Cabdi Warsame , guddoomiyaha gobolka Bari, duqa degmada Boosaaso iyo saraakiil ka tirsan Puntland

Wafdiga Balaaran ee ka socda hay’adda horumarinta iyo iskaashiga caalamiga ee dalka Turkiga (TIKA) ayaa waxaa horkacaya isku duwaha hay’adda TIKA u qaabilsan Soomaaliya, Abdulahad Kokdagi waxaana uu sheegay markii uu ka soo degay Boosaaso in ay Mashaariic badan ka fulin doonaan Deegaanada Puntland.

Wasiirka caafimaadka Dowlada Puntland Dr. Cali Cabdi Warsame ayaa saxaafada u sheegay in wafdiga ka socda hay’adda horumarinta iyo iskaashiga caalamiga Turkiga ay sugayeen mashaariic kala duwana ay ka fulin doonaan Puntland wuxuuna u mahad celiyey dowlada Turkiya.

Wafdiga ka socda hay’adda horumarinta iyo iskaashiga caalamiga ee dalka Turkiga (TIKA) ayaa ku sugnaan doonaa Puntland iyaga oo socdaal kala duwan ku tagi doona deegaanada Puntland iyaga oo u kuurgali doona baahida dhinaca horumarinta ee ka jirta Puntland.

M_M Deeq
Halgan.net