Machadka Sunnaha ee Muqdisho oo ay ka qalin jabiyeen Arday gaaraysa ilaa 227.[Masawiro]

Muqdisho:-Machadu sunah oo lagu daraaseeyo shareecada iyo luuqada carabiga kuna yaalo magaalada Muqdisho ahna Machadka shirciga ah midka ugu wayn ee ku yaal Muqdisho ayaa waxaa ka qalin jabiyay arday gaaraysa ilaa 227.

Xaflad balaaran oo ay soo agaasimeen maamulka iyo ardayda machadka ayaa waxaa lagu qabtay xarunta Machadka ee Muqdisho, xaflada oo qabsoontay subaxdii jimcada 22/05/2015 ayaa waxaa ka soo qayb galay qaybo badan oo bulshada ka mid ah.

Waxaa ugu horayntii halkaa lagu soo bandhigay ardayda qalin jabisay iyo natiijooyinka ay kala haystaan, waxaana la abaalmariyay arday gaaraysa ilaa 15 oo ahaa ardaydii ugu saraysay dufcadan hadda qalin jabisay, waxaana xusid mudan in ay gabdhaha ay si fiican wiilasha ula qaybsadeen kaalmaha ugu horeeya waliba gabdhaha ayaa ka horeeyay celcelis ahaan.

Waxaa xafladan oo ardayda shahaadooyin la gudoonsiiyay ka hadlay maamulaha guud ee Machadka Sh.Saalix, Sheekh cumar lugeey oo ku hadlay magaca culimada, Dr xasanul basri oo ah gudoomiyaha jaamacada imaam, Sheekh Siciid Qalinle oo ku hadlay magaca mu,asaasada Safaa kana mid ah mas,uuliyiinta mu,asasada, ustaad C/casiis Cali Xassan oo ku hadlay magaca idaacada Al-nuur ee Qur,aanul kariimka ahna maamulaha idaacadda iyo dad badan oo ducaad iyo waalidiin iyo nabadoono isugu jiray.

Dhamaan dadkii halkaa ka hadlay ayaa waxay si wayn u amaaneen juhuuda uu maamulka machadka shacabka u haayo iyo sidda uu machadku ugu guulaystay in uu soo saaro ducaadii mustqablaka gabdho iyo wiilal.

Machadu sunah oo la aasaasay 2005tii ayaa waxaa ka qalinjabiyay arday boqolaal ah oo galay jaamcadaha dalka iyo kuwa dibada, waxaana uu machadka ka mid yahay Raabidada Macaahida Sharciga ee Soomaaliya.Waxaana uu machadku ku leeyahay magaalda Muqdisho marka laga tago xaruntiisa laamo dhowr ah.

no images were found

Maamulka Machadu Sunnah
Muqdisho,Somalia