Xoghayaha arrimaha dibadda Maraykanka John Kerry oo Muqdisho tegay

Muqdisho:-Xoghayaha arrimaha dibadda ee dowladda Mareykanka John Kerry ayaa dhawaan gaaray magaalada Muqdisho ee caasimada dalka Soomaaliya , isagoo kulamo la qaadan doona Madaxweynaha Jamhuuriyadda Federaalka ah ee Soomaaliya Xassan Sheekh Maxamuud iy o Ra’iisul wasaaraha Soomaaliya Dr. Cumar C/rashiid Cali Sharma’arke.

Xoghayaha arrimaha dibadda ee dowladda Mareykanka John Kerry ayaa waxaa uu ka soo kicitimay magaalada Nairobi ee caasimada dalka Kenya oo uu maalmo ku sugnaa isagoo socdaal ku soo maray wadamo dhowr ah oo ku yaal Geeska Afrika.

Intii uusan soo gaarin Xoghayaha arrimaha dibadda ee dowladda Mareykanka John Kerry magaalada Muqdisho ayaa waxaa aad loo adkeeyey amaanka guud ee garoonka diyaaraddaha ee Aadan Cadde ee magaalada Muqdisho iyo weliba wadooyinka ku dhow dhow

Xoghayaha arrimaha dibadda ee dowladda Mareykanka John Kerry iyo madaxda Soomaalida ayaa waxaa ay ka wada hadli doonaa sidda warbaahintu tabinayso kaalinta dowladda Maraykanka ay ku yeelan karto taageerida dowladda Soomaaliya iyo dagaalka ay kula jirto Al-shabaab arrinkaas oo marar badan ay dowladda Maraykanku si cad u sheegtay.

Kulanka ay madaxda Soomaalidu la yeelan doonaa Xoghayaha arrimaha dibadda ee dowladda Mareykanka John Kerry ayaa waxaa kale oo looga hadli doonaa Hiigsiga 2016 iyo in doorasho ay ka dhici karto dalka Soomaaliya. Socdaalka Xoghayaha arrimaha dibadda ee dowladda Mareykanka John Kerry uu ku yimid magaalada Muqdisho ayaa waxaa ay noqonaysaa tii ugu horaysay oo masuul sare oo ka tirsan dowladda Maraykanka uu ku yimaado Soomaaliya.

Afhayeenka madaxtooyada Daa’uud Aweys oo la hadlay saxaafadda Muqdisho ayaa u sheegay in kulan oo ka dhacaya Garoonka diyaaradaha ee Muqdisho ay ka qayb galayaan madaxda maamul-goboleedyada iyo Madaxda dowladda Federaalka Soomaaliya.

A/cawaale
Halgan.net