Booliska New York kooxdii fulisay weerarkii Westgate way baxsadeen

Nairobi:-Warbixin ay soo saareen Ciidanka Booliska ee New York, ayaa lagu sheegay in ay u dhow dahay iney baxsadeen raggii fuliyey weerarka Xarunta ganacsiga Westgate ee magaalada Nairobi. Ciidanka Booliska ee New York, ayaa waxaa warbixinta ay soo saareen ay ku sheegeen in ragga weerarka fuliyey ay gaarayeen ilaa 4 qof,warbixinta ayaa lagu xusay  oo kale in ragga weerarka fuliyey u jeedadoodu ahayd oo kaliya in ay wax laayaan  oo qorshahoodu uusan ugu jirin in ay wax afduubaan.

Warbixinta ayaa lagu xusay  in aan wax caddayn ah loo hayn ilaa hadda in raggii fuliyey weerarkii Xarunta ganacsiga ee Westgate in la dilay iyo in kale balse ay u badan tahay in ay ka baxsadeen ciidanka amaanka ee dalka Kenya.

Warbixinta ay soo saareen Ciidanka Booliska ee New York, ayaa waxaa ay daba socotaa warbixino iyo faaqidaad ay saxaafada reer Galbeedka qortay oo dhamaan lagu sheegay in raggii fuliyey weerarki Westgate ay baxsadeen. Halkaan ka eeg.
ama Halkaan ka eeg

A/cawaale
Halgan.net