Ciidamo ka wada tirsan DFS oo ku dagaalamay Degmada Dayniile

Muqdisho:-Ciidamo ka tirsan DFS ayaa ku dagaalamay xaafada Oodweyne ee Degmada Dayniile, kadib markii ay isku qabsadeen lacag isbaaro ah oo ay ka qaadi jireen gaadiidka mara wadooyinka Degmada iyo guryaha cusub ee laga dhiso Degmada Dayniile.

Iska horimaadka dhexmaray ciidamada ka wada tirsan DFS ayaa waxaa ku geeriyooday hal askari waxaana ku dhaawacmay askar kale waxaana wili socda hubka ay isku ridayaan .Dadweynaha ku dhaqan Degmada Dayniile ayaa aad uga cabanaya dhaca ay ku hayaan ciidamada ka tirsan DFS ee qaab maleeshiyaad wax u boobaya waxaana u taal Degmada Dayniile ilaa laba Isbaaro oo ay lacag baad ah ka qaataan.

Odayaasha iyo waxgaradka Degmada Dayniile ayaa dhowr mar cabashooyin u gudbiyey madaxda iyo Saraakiisha DFS balse ilaa haatan waxba lagama qaban .Dagaalka maanta ayaa waxaa sababay ka dib markii ciidamo ka tirsan Melatariga DFS ay damceen in ay lacag baad ah ka qaadaan.

A/Cawale
Halgan.net