Ciidamo Kenyan ah oo lagu laayey inta u dhaxeysa Garisa iyo Liboi.

Garisa:-Wararka naga soo gaaraya magaalada Garisa ayaa sheegay in kooxo hubeysan oo ka tirsan Al-Shabaab ay weerar gaadmo ah ku qaadeen ciidamo Kenyan ah oo ka tagay Garisa kuna sii jeeday degmada  Liboi.

Weerarka ayaa waxaa uu geystay khasaaro leh dhimasho iyo dhaawac waxaana weerarka ku dhintay 8 askari oo ka tirsan dalka Kenya waxaa sidoo kale weerarka ku dhintay qof rayid ah.

Warar hordhac ah oo soo gaaray Halgan.net ayaa sheegaya in 2askari oo ka tirsan ciidanka Kenya ay Al-Shabaab nolasha ku qafaasheen .

Sarkaal ka tirsan ciidanka ka ciidanka Kenya oo la yiraahdo Samuel Arachi ayaa weerarka iyo dhimashada 8 askari u xaqiijiyey wakaalada wararka ee AFP.

Dhanka kale Afhayeenka howlgalada Al-Shabaab C/casiis Abu Muscab ayaa sheegtay in ay iyagu ka danbeeyeen weerarka galabta lagu laayey ciidamo ka tirsan booliska dalka Kenya.

Cabdi Yare
Kismaayo