Ciidanka Aminga Boosaaso oo baaritaano ka wada xaafaddah magaalada

Boosaaso:-Ciidanka amniga ee magaalada Boosaaso ee xarunta Gobolka Bari ayaa saaka waxaa ay ka wadaan xaafaddah magaalada Boosaaso baaritaano iyo howl galo ay ku raadinayaan kooxdii ka danbaysay qaraxii shalay ka dhacay Boosaaso oo dad badan oo rayid ah ay ku dhinteen. Ciidanka amniga Boosaaso ayaa waxaa ay saaka baaritaan ka wadaan xaafadda Dayax oo u dhow Masjidka Al-rowda iyo Suuqa Caanaha oo ah goobii uu ka dhacay qaraxii lagu laayey shacabka reer Boosaaso.

Ciidanka amniga ee baaritaanka samaynaya ayaa waxaa ay wataan gaadiid qafilan waxaan ay galayaan guryaha iyadoo la sheegayo in ay ilaa 2 qof ay qabteen ka dibna ay la tageen. Ciidanka amniga ee howl galka wada ayaa waxaa ka mid ah ciidanka badda Puntland ciidanka nabadsugida PIA iyo ciidanka Booliska waxaan ay baaritaanka u wadaan si wada jir ah.

Ilaa hadda lama garanayo 2-da qof oo ay ciidanku qabteen wax ay yihiin walow la sheego in ay jiraan dad kale oo lala xiriirinayo falka qarax ama lagu tuhunsan yahay. Ma jiraa ilaa hadda masuuliyiin ka tirsan Puntland ama maamulka Gobolka Bari oo ka  hadlay baaritaanka ay ciidanku wadaan iyo haddii ay jirto cid loo qabtay qaraxii shalay ka dhacay Boosaaso.

M_M_Deeq
Halgan.net