Dad badan oo xalay laga raafay xaafadda Islii ee magaalada Nairobi

Nairobi:-Ciidamada ammaanka dalka Kenya, ayaa  xalay mar kale howlgallo dad badan lagu qabqabtay ka sameynayey xaafadda Islii ee magaalada Nairobi.

Ciidamada oo wata gaadiid, nooca waaweyn iyo kuwa yaryar isugu jira, ayaa xalay mar kale soo galay xaafadda Islii ee magaalada Nairobi, iyagoo waddooyinkana dadka ka raafayey.

Ciidanka, ayaa dadka ay qabtaan weydiinayey Sharci, iyadoona dadka qaarkood ay lacago ka qaadanayaan, waa kuwa ay sharciga ka waayaane, halka dadka sharciga wata ay sii deynayeen.

Ilaa iyo hadda tira koob rasmi ah lagama hayo dadka ilaa xalay la qabqabtay, waxaana ilaa maanta aad looga hadal hayey xaafadda Islii, howlgallada ciidanka ka sameynayaan xaafadda ay Soomaalidu ku badan tahay ee Islii.

Marka howlgallada noocaan oo kale ah ay jiraan, ayaa waxaa dhacda in dad badan la xaab qaado, iyadoona ay caado tahay in dadka lacago looga qaato u soo celinta xorriyaddooda

Halgan.net/somalireal