Gen. Siciid Dheere oo ka hadlay amaanka magaalada Garoowe[Dhagayso]

Garoowe:-Guddoomiyaha guddiga sare ee amniga Puntland Gen. Siciid Maxamed Xirsi [Siciid Dheere] oo shir jaraa’id ku qabtay magaalada Garoowe ee xarunta Puntland ayaa waxaa uu ka warbixiyey amaanka guud ee magaalada Garoowe xili ay maalmo kooban ay ka harsan tahay doorashadii loogu tartamayey xilka madaxweynanimad Puntland.

Gen. Siciid Maxamed Xirsi ayaa ka codsaday dhamaan dadka u taagan xilka madaxweynanimada Puntland in ay dhowraan amaanka iyo nabadgelyada Puntland isagoo dhinac kalena ugu baaqay shacabka reer Garoowe in ay soo dhaweyn u sameeyaan cid walba oo u taagan xilka madaxweynanimada Puntland.

Gen. Siciid Dheere ayaa ugu baaqay shacabka Puntland in aan la soo dhaweysan dadka doonaya in amaanka khalkhal geliyaan isagoo ka codsaday shacabka gaar ahaan waalidiinta in ay aad ula socdaa caruurtooda si dhalaanka soo koraya looga badbaadiyo in ay naftooda haligaan bulshadan ay dhibaateeyaan.

Hoos ka Dhagayso shirka jaraa’id ee Gen Siciid Dheere ku qabtay Garowe oo dhinacyo badan taabanaya

M_M_Deeq
Halgan.net