Gudiga Ansixinta Baarlamaanka Puntland oo saxaafada u yeeray

Garoowe:-Wararkii ugu danbeeyay ee soo gaaraya magaalada Garoowe ayaa sheegaya in laga yaabo in gudiga xalinta Khilaafaadka iyo ansixinta Baarlamaanka Puntland ay la hadlaan saxaafada caawa ilaa maalinta beri ah iyagoo doonaya in ay soo bandhigaan qaar ka mid ah Xildhibaanada Golaha wakiilada ee dooran doona Madaxweynaha Puntland.

Warar is khilaafsan ayaa ka soo baxay sababta ay u doonayaan in gudiga xalinta Khilaafaadka iyo ansixinta Baar lamaanka Puntland ay la hadlaan saxaafada iyo u jeedadood, balse musharaxiinta ayaa saaka uga digay gudiga in ay soo bandhigaan liiska Xildhibaanada ilaa ay soo maritaan Issimada soo jireenka ah ee wax ka yagleelay dhismihii maamulka Puntland 1998.

Haddii saacadaha soo socda ay gudiga xalinta Khilaafaadka iyo ansixinta Baarlamaanka Puntland ay shaaciyaan liiska Golaha Wakiilada ee Puntland ayaa waxaa ay dhalin doontaa khilaaf xooggan oo mar kale oo soo kala dhex gala Musharaxiinta iyo Madaxweynaha Puntland iyo weilba Golaha dhaqanka ee Puntland.

Wararka soo socda ayaan ku soo gudbin doonaa wixii soo kordha insha Allaahu.

M_M_Deeq

Halgan.net