Hay’adda Wanaag farista iyo xumo reebista oo looga dhawaaqay Laascaanood

Laascaanood: Waxaa ka dhacday magaalada Laas-caanood ee xarunta gobolka Sool Xaflad balaadhan oo lagu daah furay Hay’ada wanaag farista iyo xumo reebista, xafladda ayaa waxaa ay ka dhacday Masjidul jaamaca magaalada Laas-caanood. Xaflada ayaa waxa ka soo qayb galay culimo, odayaal, ganacsato, arday iyo qaybaha kale duwan ee bulshada .

Waxaa ugu horeyn ka hadlay xafladda Sh.Maxamuud Xaliike (gudoomiyaha golaha fulinta ee hay’adda ) sheekha ayaa furfuray xaflada kana hadlay ujeedada loo aasaasay hay’addan, intaa ka dib ayuu sheekhu hadalka ku soo dhweeyay Sh.Cali Macalin Xassan oo k amid ah culimada iyo odayaasha shuurada ee hay’adda .

Waxaa kalmaddii xigtay jeediyay Sh.Axmed Maxamed Sulaymaan (gudoomiyaha golaha wadatashiga ee hay’adda ) oo warbixin faahfaahsan ka bixyay hay’adda dhismaheeda iyo halka ay iminka marayso .Waxaa iyaguna goobta hadalo kale duwan oo aad qiimo badan kasoo jeediyay Sh.Saciid Axmed Cadare , Sh.Maxamed Sheekh.Aadam weli , Prof.Cabdirisaaq lafoole , Oday cabdilaahi ciise Oog, Oday Siciid Cabdilaahi Cumar , Ganacsade Cabdirisaaq Axmed Warsame .Hay’adda ayaa lagu wadaa in ay bilawdo hawleheeda shaqo maalmaha fooda inagu soo haya haddii ALLE idmo .

no images were found

Gobolaka Sool ayaa waxa horay uga jiray jihooyin dacwadeed oo kaladuwan oo ay ka mid yihiin :
1. Mu’asasada Alkaram ee dacwada iyo hanuuninta
2. Golaha Ardayda ka baxday Machadka al-furqaan
3. Ardayda dhigata Macaahidda kala duwan ee magaalada .
Si kastaba ha ahaatee hay’adda ayaa iyadu noqonaysa mid xoojinaysa jihooyinkaas waxna ku soo kordhin doonta dacwadda gobolka  hadii ALLE idmo .

Halgan.net