Issimo maanta Bayaan ka soo saaray Garoow & Shir Issimo oo beri ka dhacay Garoowe

Garoowe:-Wararka naga soo gaaray magaalada Garoowe ee xarunta maamulka Puntland ayaa sheegay in maalinta beri ah la filayo in ay kulan iskugu yimaadaan Issimada soo jireenka ah iyagoo wax iska oran doono baaq ama bayaan ay soo saareen qaar ka mid ah Issimada Puntland uuna shirkooda u gudoominayey Islaan Ciise Islaan Maxamed oo ka mid ah Issimada soo jireenka ah ee Puntland.

Kulanka beri ayaa waxaa la filayaa in ay ka soo qayb galaan dhamaan Issimo si weyn looga tixgeliyo Puntland oo shalay oo taariikhu ahayd 28 December 2013 soo saaray bayaan ay uga hadleen arrimaha doorashooyinka Halkaan ka eeg bayaan ay Issimo ka soo saareen Garoowe shalay.

Issimada Puntland qaarkood ayaa siyaasiyiinta waxaa ay ka dhex abuureen khilaaf ku salaysan tartan kooda dhinac doorashada oo ay xilka madaxweynanimada Puntland ku doonayaan balse waxaa jira Issimo weli ku howlan in go’aan midaysan ay maalmaha soo socda ay ka soo baxaan gudoon Issimadu ay ku midaysan yihiin.Halkaan ka eeg bayaan ay Issimo ka soo saareen maanta magaalada Garoowe

Issimada maalinta beri shiraya ayaa waxaa la filayaa in kulankooda uu ka soo qayb galo Madaxweynihii hore ee Puntland Gen.Cadde Muuse Hersi oo isagu uga warbixin doona Issimada kulankii uu la yeeshay Madaxweynaha Puntland Dr.Cabdiraxmaan Faroole iyo wixii ay isla meel dhigeen.

Khilaafka Issimada qaarkood ayaa waxaa uu salka ku hayaa taageerada ay u kala hayaan madaxweynaha dowlada Puntland Dr Cabdiraxmaan Faroole iyo musharaxiinta waxaan jira loola adag oo qolo walba ay ugu jirto in ay Xildhibaanada ka mid noqonaya Golaha wakiilada ee Puntland ay ka hellaan xubno fara badan oo u suuro gelin kara in xilka ay ku guulaystaan.

Ilaa hadda lama yaqaan kulanka maalinta beri ah wax ka soo bixi kara walow la sheego in Issimadu ay go’aan miday san gaari doonaa maalmaha soo socda khilaafka dhexdooda oo ay saxaafadu buun buuninaysana uusan ahayn mid weyn.

Dhinaca kale Murashixiinta tartamaya xilka Madaxweynanimada Puntland ayaa waxaa uu kulan uga socdaa guriga Murashax Maxamed Cabdi Nuur ee magaalada Garoowe laman yaqaan wax ka soo bixi kara walow maalinta beri ah ay shaacin doonaa wax ka soo baxa shirkooda.

M_M_Deeq
Halgan.net