Shir jaraa’id oo ay Musharaxiin ku qabteen xarunta PDRC ee Garoowe.[Cod/Masawiro]

Garoowe:-Kulankii saaka uga furmay musharixiinta iyo madaxweynaha Puntland Dr. C/raxmaan Faroole ayaa ku soo idlaaday is afgaran waa ka dib markii la isku mari waayey in xal laga gaaro qaabka loo soo magacaabayo gudiga khilaafaadka iyo ansixinta Xildhibaanada ka mid noqonaya Baarlamaanka Puntland.

Shir jaraa’id oo ay ku qabteen musharaxinta xilka madaxweynanimada Puntland xarunta PDRC ayaa waxaa ay xuseen in shirka ay la qaateen Madaxweynah Puntland ay isku afgaran waayeen in gudiga khilaafka iyo xalinta ee uu magacaabay Madaxweynuhu dib loogu laabto arrinkaas oo uu diiday madaxweynuhu.

Afhayeenka musharaxiinta Cali Xaaji Warsame ayaa  ugu baaqay Issimada Puntland in ay soo kala dhex galaan khilaafka ka dhex jira musharixiinta iyo madaxweynah Puntland, si loo soo dhiso gudi laga wada tashaday. Dhinac kale musharax Gen. Cabdulaahi Siciid Samatar ayaa sidoo kale ugu baaqay issimada in ay kaalintood qaataan  si is afgarad looga gaaro khilaafka jira.

no images were found

Maalmihii u danbeeyey ayaa saxaafad ka howl gasha deegaanada Puntland waxaa ay inta badan soo bandhi geen digreetooyin ay  gudiga Khilaafaadka iyo ansixinta Xildhibaanada ay ku soo magacaabeen Madaxwey nayaashii xilka talada Puntland soo qabtay.

Hoos ka Dhagayso Shirkii jaraa’id oo ay Musharaxiin ku qabteen xarunta PDRC ee Garoowe

M_M_Deeq
Halgan.net