Maamulka iyo shacabka Gobalka Banaadir oo $200.000 soo gaarsiiyey Gudiga Gurmadka Culimada Puntland.

Muqdisho:-Maamulka iyo Shacabka Gobalka Banaadir ayaa soo gaarsiyey maanta deeq lacag ah oo gaareysa  $200. 000  oo kun oo dollar ,gudiga gurmadka culumada Puntland waxaana lacagtan wax loogu qaban doonaa dadkii ku waxyeeloobay duufaantii dhawaan ku dhufatay qeybo ka mid ah Deegaanada Puntland.

Guddiga Gurmadka Culumada Puntland oo ay horkacayaan masuuliyiinta Mu’assada Al-minhaaj ayaa kulan kula qaatay Hotel Rugsan ee magaalada Garoowe wafdi uu hogaaminayo gudoomiye ku xigeenka gobalka Baandir  Iimaan Nuur Iikar  waxaana socdaalkiisa ku weheliyey culimaa’üdiin, ganacsato iyo xubno ka tirsan gobalka Banaadir. Ugu horeyn waxaa xaflada ka hadlay gudoomiye ku xigeenka gobalka Baandir waxaana uu sheegay in shacabka gobalka Banaadir iyo Maamulkiisa ay u soo wakiisheen in gudoomiyaha guddiga gurmadka ee culimaa’udiinka Puntland ay ku wareejiyaan lacag deeq ah oo ay soo uruursheen shacabka gobalka Banaadir oo dhan  $200.000 .

Gudoomiye ku xigeenka gobalka Baandir ayaa sheegay in shacabka Soomaaliyeed ay yihiin walaalo loona baahan yahay in ay isku gargaaraan wuxuuna intaas ku daray in ay shacabka Soomaaliyeed isku filan yihiin oo ay ka maarmaan hay,addo ajaanib ah . Gudoomiyaha guddiga gurmadka ee culimaa’udiinka Puntland  Sh Maxamuud Xaji Yuusuf ayaa aad ugu mahad celiyey Maamulka gobalka Banaadir iyo Shacabka ku dhaqan magaalada Muqdisho waxaana uu ugu duceeyey in alle khayr badan siiyo  iyo nabad waarta .

no images were found

Waxaa sidoo kale munaasabada ka hadlay Guddoomiyaha Gobalka Nugaal ,Wasiirka deegaanka Dalxiiska iyo duur joogta waxaana ay dhamaan u mahad celiyeen Maamulka gobalka Banaadir iyo shacabka ku dhaqan magaalada Muqdisho oo u soo gurmaday walaalahood ay duufaanada ku dhufteen.

M_M Deeq
Halgan.net