Madaxweynaha DFS oo ka qeyb galay Xaflad lagu xusayey ciidamada Booliska

Muqdisho:-Madaxweynaha Jamhuuriyadda Federaalka Soomaaliya Mudane Xassan Sh. Maxamud ayaa maanta ka qeyb galay munasabad lagu xusaayey sanad guuradii 70 Aad ee kasoo wareegtay maalinkii la aas aasay ciidamadda Booliska Soomaaliya.

Madaxweynaha ayaa wuxuu maanta xariga ka jaray Saldhiga Booilska Afar Irdoodka iyo Commando Polizia ama Taliska Booliska Soomaaliyeed.

Waxaa salaan uu ka qaatay Madaxweynaha Jamhuuriyadda Federaalka Sooamaaliya cutobyo kala duwan oo ka tirsan Booliska Qaranka.” Waxaan idin leeyahay hambalyo, hambalyo. Waa farxad iyo guul usoo hoyotay dhamaan shacabka Soomaaliyeed.”Booliska Soomaaliyeed meel walba ay joogaan waxaan u dirayaa hambalyo waxaana maanta ay tahay maalin taariikhi ah. Waxaan Booliska kula dar darmayaa in ay howsha ay hayaan dalka ay laba jibaaraan.”

no images were found

Ugu danbeyn Madaxweynaha ayaa waxaa u baaq u diray in shacabka Soomaaliyeed ay la shaqeyaan dhamaan ciidamadda Booliska iyo kuwa amniga Qaranka.

Wixii Faah-faahin ah kala xiriir Agaasimaha Warfaafinta Madaxtooyadda
Malik Abdalla,
mabdalla@presidency.gov.so

Communication Office
Office of the Somali President
Mogadishu, Somalia