Madaxweynaha DFS Xasan Sheekh oo la filayo in uu magacaabo Raisulwasaaraha DFS

Muqdisho:-Wararka naga soo gaaraya magaalada Muqdisho ayaa sheegaya in saacadaha soo socda la filayo in Madaxweynaha DFS Xasan Sheekh Maxamuud uu magacaabi doono Raisulwasaaraha DFS waxaana haatan ka socda xafiiska Madaxweynaha tashiyadii ugu danbeeyey oo uu Madaxweynaha la qaadanayey waxgaradka kala duwan ee beelaha Daarood .

Wariyaasha ka howlgala magaalada Muqdisho ayaa looga yeeray xarunta Madaxtooyada ee Villa Soomaaliya waxaana dhagta loo wada taagayaa cida uu Xasan Sheekh u magacaabi doono Raisulwasaaraha DFS warar hordhac ah ayaa sheegaya in C/wali Sheekh Axmed oo ah aqoonyahan ka soo shaqeeyay Islamic Bank kana soo jeeda gobalka Gedo waloow aan wili si rasmi ah loo hubin.

Waxaa kale oo jira rag badan oo miiska saaran waxaana ka mid ah
1-Daauud Maxamed Cumar (Daa’uud Bisile,)
2-Xuseen Cabdi Xalane
3-C/wali Sheekh Axmed
4-Nuuradiin Adam Diiriye
5-Cabdiwali Cilmi Goonjeex .

Madaxweynaha DFS Xasan Sheekh Maxamuud ayaa laga wada sugayaa in uu soo magacaabo Raisulwasaaraha DFS wuxuuna heystaa mudo bil ah sida uu qeexayo Dastuurka JFS.

A/Cawale
Halgan.net