Madaxweynaha Dowladda Puntland oo saaka tegay degaanka Qarxis

Garoowe:-Madaxweynaha Dowladda Puntland Dr. C/raxman Maxamed Faroole  iyo qaar ka mid ah golahiisa wasiirda ee Puntland waxaa saaka ay safar ku gaareen deegaanadii ay ku dhufteen roobabkii duufaanka waday bil ka hor. Wafdiga Madaxweynaha Puntland Dr Cabdiraxmaan Faroole ayaa gaaray deegaanka Qarxis si uu ugu soo kuur galo xaalada ka jirta deegaankaas maadaam dad badan ay ku cayroobeen dabaylihii ku dhuftay deegaanada ka tirsan Gobolka Bari ,Nugaal iyo Karkaar.

Wafdiga la socda Madaxweynaha Puntland Dr. C/raxman Maxamed Faroole ayaa waxaa ka mid ah culimo’udinka
ku howlan gargaarka waxaa ay ku howlan yihiin in qoysas gaaray ilaa 672 ay u qaybiyaan ilaa 15 kun oo xoolo ah.

Culimo’udiinka waaweyn ee Puntland oo kaashanaya dadka Soomaaliyeed ee ku dhaqan gudaha dalka Soomaaliya iyo dibadiisa oo ay horkacayaab culimada iyo ducaada ayaa gurmad xooggan u soo fidiyey dadka dhibku gaaray ka dib  qaylo dhaan ay culimada ku nool Puntland u direen jaaliyaadka dibada kuwaas oo si deg deg ah uga soo jawaabay codsiga culimada oo ahaa in la gargaaro dadka ku cayrtoobay dabaylihi iyo duufaanadii ku dhuftay degaano ka tirsan Puntland.

Culimo’udiinka Puntland ayaa  iyago qaybin doona  xoolaha iyagoona u xoolo goyn doono qoysaskii ku xoolo beelay  roobabkii daylaha watay ee ku dhuftay Puntland,Goobta lagu qaybinayo xoolaha ayaa waxaa lagu casumay in ay joogaan Madaxweynaha Puntland , Golahiisa wasiirad , Issimo , Nabadoono iyo waxgarad kale.

M_M_Deeq
Halgan.net