Madaxweynaha Puntland oo soo dhaweeyey in uu la kulmo Musharaxiinta [Dhagayso]

Garoowe:-Madaxweynaha Dowladda Puntland Dr.C/raxmaan Sheekh Maxamed Faroole ayaa soo dhaweeyey in uu la kulmo Musharaxiinta u taagan xilka madaxtinimada Puntland waxaana uu saaka Shirjaraa’id uu ku qabatay magaalada Garoowe ee xarunta Puntland.

Madaxweynaha Puntland Dr.Faroole ayaa warbaahinta kula kulmay aqalka madaxtooyadda Puntland waxaana uu soo dhaweeyey baaqii ay soo jeediyeen Musharaxiinta Puntland isaga oo sheegay in uu kula kulmi doona xarunta Madaxtooyada Puntland si ay xiinka iyo tartanka u sii badiyaa ayuu yiri Madaxweyne Faroole.

Madaxweynaha Puntland ayaa sheegay in Puntland ay ka dhici doonta doorasho hufan waxaana uu ugu baaqay Issimada,waxgaradka ,iyo Musharaxiinta in ay ilaaliyaan amaanka Puntland waxkasta oo khilaaf keeni karana lagu dhameeyo si sharci ah .

Musharaxiinta u taagan xilka Madaxweynenimada Puntland ayaa baaq u jeediyey Madaxweynaha Puntland in uu ka soo qeyb galo kulan maalinta Sabtiga ah ay musharaxiinta ku yeelan doonaan xarunta PDRC si looga wada hadlo gudiga xalinta khilaafaadka iyo qaabka ay u dhacayso doorashadu waxaana ay sidoo kale ku casumeen kulanka Issimada Puntland.
Hoos ka Dhagayso Shir Jaraa’id ee uu Garoowe ku qabtay Madaxweynaha Puntland Dr.C/raxmaan Faroole

M_M Deeq
Halgan.net