Maxkamada ciidanka DFS ee gobolka Hiiraan oo xukun ku riday 2 ruux

Hiiraan:-Maxkamada ciidamada qalabka sida ee gobolka Hiiraan ayaa maanta dacwad ku soo oogtay 5ruux oo lagu eedeeyey in ay ka tirsan yihiin kooxada Al-Shabaab iyo amaaan darada magaalada B/weyne ee xarunta gobalka Hiiraan. Maxkamada ciidamada qalabka sidda ee gobolka Hiiraan ayaa xukun ku riday laba ka mid ah 5ruux ay ku eedeysay in ay ka tirsan yihiin Ururka Al-Shabaab waxaana lagu xukumay 5sano oo xariga ah halka 3 kale la sii daayey markii maxkamada danbi ku weyday .

Maxkamad ayaa saaka waxaa goobjoog ka ahaa saraakiil ka tirsan ciidanka nabad-sugida ee gobolka Hiiraan iyo guddoomiyaha maxkamada ciidamada qalabka sida ee gobolka Hiiraan Xuseen Cabdi Axmed .

Xabsiga magaalada B/weyne ayaa waxaa ku xiran dhalinyaro badan oo loo heysto danbiyo kala duwan waxaana gudoonka Maxkamada ay sheegeen in dhawaan maxkamada la keeni doono.

Dhanka kale maxkamada ciidamada qalabka sida ee gobolka Hiiraan ayaa mamnuucday in wax hub ah lagu dhex wato gudaha magaalada B/weyne waxaana ay sheegtay in talaabo laga qaadi doono cid walba oo wax hub ah ku dhex wadata gudaha magaalada B/weyne.

Cabdi Yare
Halgan.net