Meydadka Takhaatiirtii lagu dilay duleedka magaalada Muqdisho oo la geeyey Isbitaal Madiina

Muqdisho:-Wararka naga soo gaaraya magaalada Muqdisho caawa ayaa sheegaya in meydadka Takhaatiirtii maanta lagu laayey duleedka magaalada Muqdisho gaar ahaan deegaanka Siinka Dheer caawa la geeyey isbitaalka Madiina .

Takhaatiirtii saaka lagu dilay deegaanka Siinka Dheer ee magaalada Muqdisho ayaa waxaa 3 ka mid ah ay u dhasheen dalka Suuriya halka Takhtarka Afaraad uu ahaa Dr C/kariin Sanweyne  waxayna dhamaantood ka howlgali jireen dhamaantood Isbitaalka Fiqi ee duleedka magaalada Muqdisho.

Madaxweynaha DFS Xasan Sheekh Maxamuud ayaa aad u canbaareeyey dilka loo geystay Takhaatiirta waxaana uu codsaday in si degdeg ah cadaalada loo horkeeno.

Agaasimaha Isbitaalka Fiqi Dr Fiqi ayaa warbaahinta u sheegay in aysan ilaa haatan aqoon sababta loo dilay Takhaatiirta kuwaas oo howlo muhiim ah u hayey bulshada Soomaaliyeed

Dhamaan Takhaatiirta ka howlgasha magaalada Muqdisho ayaa si isku mid ah u canbaareyey dilka Takhaatiirta lagu dilay deegaanka Siinka Dheer .

A/Cawale
Halgan.net