Murashixiinta Puntland oo sheegay inay aqbaleen Gudiga Doorashada Puntland

Garoowe:-Wararka naga soo gaaraya magaalada Garowe ee xarunta dowlada Puntland ayaa sheegaya in Musharaxiinta u taagan madaxtinimada Puntland ay maanta kulan ku qaateen magaalada Garoowe waxayna sheegeen in ay aqbaleen gudiga uu soo magacaabay Madaxweynaha Puntland.

Musharaxiinta Puntland ayaa xalay kulan la qaatay isimada Puntland iyaga oo ka codsaday Isimada in gudi isimo ah oo marjac ah la sameeyo si wixii khilaaf ah loola noqdo.

Musharaxiinta Puntland ayaa sheegay in wakhtiga uu haatan yahay mid aad u yar ayna doorbideen in ay sameeyaan tanaasul  ka dib markii ay wax tanasulaad ah ka waayeen madaxweynaha Puntland Dr.C/raxmaan Sh Maxamed Faroole.

Warar Hordhac ah ee soo gaaray Halgan.net ayaa sheegaya in musharaiinta ay dhawaan shirjaraa,id ku qaban doonaan magaalada Garowe ee xarunta Puntland .

Sidoo kale waxaa shaqaaqo ay dhexmartay qaar ka mid ah wariyaasha Puntland iyo ilaalada Musharaxiinta ka dib markii ay is afgaran waayeen.

M_M Deeq
Halgan.net