Musharaxiinta Puntland oo aqbalay xubnaha cusub ee baarlamaanka Puntland

Garoowe:-Wararka naga soo gaaraya magaalada Garoowe ee xarunta dowlada Puntland ayaa sheegaya in musharaxiinta ay aqbaleen liiska xubnaha Xildhibaanada baarlamaanka Puntland ee xalay ku dhawaaqeen guddiga xalinta khilaafaadka iyo ansixinta baarlamaka cusub ee Puntland waxaana xalay Musharaxiintu ay kulamo gooni gooni ah ku qabsadeen magaalada Garoowe ee xarunta dowlada Puntland.

Warar hordhac ah ayaa sheegaya in musharaxiinta u taagan madaxtinimada Puntland ay ku qanceen qaabka ay u soo gudbiyeen guddiga xalinta khilaafaadka iyo ansixinta baarlamaka cusub ee Puntland xubnaha golaha wakiilda Puntland kuwaas oo gaaray ilaa 66 xildhibaan waxaana xildhibaanadii hore ka soo noqday 21 xildhibaan.

Mid ka mid ah musharaxiinta Puntland ayaa saluugay qaabka loo soo xulay xubnaha golaha wakiilada Puntland ee gobalka Bari balse kulamo kala duwan ay yeesheen guddiga xalinta khilaafaadka iyo ansixinta baarlamaka cusub ee Puntland iyo musharaxiinta ayaa la isku afgartay .

Dhinaca kale waxaa saaka la filayaa in Xildhibaanada cusub ee Golaha wakilada Puntland loo qaybiyo kaararkii aqoonsiga si dhaqso ahna loo dhaariyo.

M_M Deeq
Halgan.net