Sh Axmed Cabdisamed oo booqday xarumo kala duwan ee waxbarashada iyo Dacwada Buuhoodle

Buuhoodle:-Iyadoo dhowaan Sh Axmed Cabdisamed Cabdille uu booqday xarumo kala duwan oo waxbarashada Dacwada ee Buuhoodle ayuu kulan dheer la qaatay Ardayda waxka barata Machadka Sare ee Al-furqaan Buuhoodle.

Machadka Sare ee Al-furqaan Buuhoodle oo ay waxkabartaan qaybtiisa dugsiga sare inkabadan 200 oo arday isuguna jira wiilal & gabdho ayaa ah xarunta ugu muhiimsan ee waxbarashada dacwadu gacanta ku haysto ee Buuhoodle.

Sh  Axmed Cabdisamed ayaa soo dhoweyn balaaran kala kulmay ardayda, Macalimiinta & maamulka Machadka Sare ee Al-furqaan Buuhoodle isagoo muxaadiro dheer oo qaadatay saacado badan ujeediyey ardayda xili ay fadhiyeen barxadda wayn ee Machadka dhexiisa oo ardaydu saftaan xiliga Daabuurka.

Muxaadiradda Sheekha ayaa ka hadlaysey faafinta dacdwada, ka hortaga waxyaabaha ay dadka qaarkiis ku fasahaadiyaan caqiidada suuban & in bulshada meel walba dacwada loogu geeyo lana dardargeliyo hawlaha Dawacda.

no images were found

Ardayda dhigata Machadka Sare ee Al-furqaan Buuhoodle ayaa Su’aalo waydiiyey Sh Axmed Cabdisamed, isagoo dhamaan su’aalihii la weydiiyey si waafiya uga jawaabey.

Ugu danbayntii kulankan ayaa kamid ahaa kulamo uu goobaha muhimka ah ee waxbarashada Buuhoodle uu ku tagay Sh Axmed Cabdisamed iyo wafti uu hogaaminayo oo dhowaan yimid Buuhoodle.

Si kastaba ha ahaatee ardayda dhigata Machadka, Al-furqaan Buuhoodle, maamulka & macalimiinta ayaa siweyn ugu mahadceliyey Sh Axmed Cabdisamed iyagoo ugu baaqay inuu badiyo booqashooyinkiisa noocan ah

Halgan.net
Buuhoodle