Wasiirka G/dhiga ee DFS C/xakiin Maxamuud Fiqi oo gaaray Gobalka Sh/ Hoose

Muqdisho:-Wafdi uu horkacayo Sii Hayaha xilka wasiirka G/dhiga ee DFS C/xakiin Maxamuud Xaaji Fiqi ayaa waxaa ay gaareen gobolka Shabellaha Hoose si ay u xaliyaan dagaalada mar walba ka soo cusboonaada gobalka  Shabellaha Hoose  kaas oo u dhexeeya beelo wada dega gobalka

Sii Hayaha xilka wasiirka G/dhiga ee DFS C/xakiin Maxamuud Xaaji Fiqi ayaa warbaahinta ku hadasha Afka DFS waxaa uu u sheegay in socdaalkooda uu yahay sidii xabad joojin iyo nabad loo kala dhexdhigi lahaa beelaha ku dagaalamaya  gobalka  Shabellaha Hoose

Sii Hayaha xilka wasiirka G/dhiga ee DFS C/xakiin Maxamuud Xaaji Fiqi  ayaa waxaa uu yiri “Ujeedada socdaalkeena wuxuu yahay sidii xal nabadeed loogu heli lahaa dhibaatooyinka Gobolka Shabellaha Hoose ka aloosan ee beelaha walaalaha ay ku dagaalameen, waxaa naga go’an inaan halkan ka keeno dib u heshiisiin”

Wafdiga uu hogaaminayo Sii Hayaha xilka wasiirka G/dhiga ee DFS C/xakiin Maxamuud Xaaji Fiqi ayaa waxaa socdaalkiisa ku weheliya odayaal dhaqameedyo, wasiiro iyo xildhibaano ka soo jeeda beelaha colaadu ka dhexeyso iyo Saraakiil ka tirsan DFS.

Dagaalka ka socda gobalka  Shabellaha Hoose  ayaa ilaa haatan dowlada federaalka aysan wax xal ah u helin waxaana dagaaladaas ku barakacay dadweyne badan oo rayid ah  waxaana la gubay tuulooyin iyo beero dhowr ah.

Cabdi Yare
Kismaayo