Ardayda ka baxday Machadka Ibnu Xajar oo booqday Machadka Imaamu Shaafic ee Burco.[Masawiro]

Burco:-Waxaa maalinimadii Talaadada ahayd ka soo kicitimay magaalada Bosaaso ee xaruta Gobolka Bari wafdi ka socda rabidadda ardayda ka baxday Machadka Ibnu Xajar ee magaalada bosaaso waxaan wafdigu uu ka koobnaa ilaa 4 xubnood iyadoo socdaalkoodu ula jeedkiisu uu ahaa in ay soo booqdaan Ardayda Machadka imaamu Shaafici ee magaalada Burco.

Wafdiga ayaa si nabad ah ku gaaray magaalada Burco,Iyagoo isla maantay ka bilaaway hawlahoodi dacwo ee ay magalada Burco ,waxayna booqdeen dhowr Markaz oo ay ka mid ahaayeen Jaamacadda Al-Najaax, Xarunta Machadka Imaamu Shaafici iyo goobo kale.

Wafdigaan ayaa inta uu joogo magaalada Burco ayaa waxaa la filayaa in uu kulama kala duwan la qaadan doono Multaqaha ardayda ka baxday Machadka Imaamu Shaafici ,ducaadda iyo culimada magaalada Burco .

Fikradaan is booqashada ah ayaa ka timid shirkii ardayda ka baxday Macaahida shareecada Soomaaliya ee ka dhacay magaalada Laascaanood, shirkaas oo lagu mataaneeyay dhamaan dalladaha matalayay Macaahida kala duwan ee ku yaala gayiga Soomaaliyeed, iyagoo labo labo loo mataaneeyay sidda ka muuqata shaxdaan soo socota:-

1-Machadka Ibnu Xajar(Boosaaso) vs Machadka Imaamu Shafici(Burco)

2-Machadka Khadiija (Garowe) vs Machadka Saylac (Boorame)

3-Machadka Al hidaaya(Burtinle) vs Machadka Dacwo(Hargaysa)

4-Machadka Faaruuq(Galkacyo) vs Machadka Furqaan(Laascanod)

5-Machadka Imamu Bukhari(Galdogob) vs Machadka Furqaan (Buuhoodle)

6-Machadka Al sunah (Muqdisho) vs Machadka Ibnu kathiir(Ceerigaabo)

Socdaalka ducaada gaar ahaan Rabidada ardayda ka baxday machadka ibnu xajar ay ku booqdeen Machadka Imaamu Shaafic ee magalada Burco ayaa waxaa ay qayb ka tahay Olalaha walaalaynta umada Soomaaliyeed oo ay wado culimada dalka Soomaaliyeed.

no images were found

Xafiiska warbaahinta Raabidada Machadka Ibnu Xajar