Madaxweynaha DFS “ Dowladda Soomaaliyeed waxay diyaar u tahay inay qabato wax walba oo ay kari karto.”

Muqdisho:-Madaxweynaha Jamhuuriyadda Federaalka Soomaaliya, Mudane Xassan Sh. Maxamuud ayaa Madaxtooyadda kulan kula qaatay guddiga bad baadinta Qaxootiga Soomaaliyeed ee Dalka Yemen iyada oo ay kulanka goob joog ka ahaayeen Ra’iisul Wasaaraha Soomaaliya iyo Wasiirro Xukuumadda ka tirsan.

Guddiga oo warbixin siiyey Madaxweynaha ayaa sheegay inay wadaan dadaalo xoog leh oo loogu gurmanayo qooxootiga Soomaaliyeed ee dalka Yemen islamarkaana ummadda Soomaaliyeed loogu uruurinayo dhaqaale dadkaas lagu soo badbaadiyo.

Madaxweynaha Jamhuuriyadda Federaalka Soomaaliya, Mudane Xassan Sheekh Maxamuud oo kulanka ka hadlay ayaa u mahad-celiyey guddiga iyo dhammaan ummadda Soomaaliyeed ee ka qeyb qaadaneysa badbaadinta qaxootiga Soomaaliyeed ee dalka Yemen.

“ Wiil yar ee caseeya ah oo aan ognahay lacagta soo gasha ee inta hal Dollar soo galay ee yiri ha lagu kaalmeeyo dadka Soomaaliyeed ee soo laabanaya, halka dollar marka laga yimaado, dareenka uu wiil kaasi muujiyey waa wax aad iyo aad u qiimo badan” ayuu yiri Madaxweynaha.

Sidoo kale Madaxweynaha ayaa yiri” Dowladda Soomaaliyeed waxay diyaar u tahay inay qabato wax walba ay kari karto oo ay ka mid tahay in dhammaan shaqaalaha Dowladda ,kuwa riyidka, Ciidamadda iyo masuuliyiinta intaba ka qeyb ka qaataan badbaadinta dadka Soomaaliyeed ee soo laabanaya”.

Ugu dambeyntii, Madaxweynaha Jamhuuriyadda Federaalka Soomaaliya Mudane, Xassan Sheekh ayaa ku baaqay in si la mid ah sida dadka Soomaaliyeed gurmad loogu fidiyo dadka u dhashay dalka Yemen ee ku soo qaxaya dalka Soomaaliya.

no images were found

Dhamaad.