Sheekh Xasan Cabdille Xirsi “Sheekh Xasan Turki oo ku geeriyooday gobalka J/dhexe

Kismaayo:-War goordhaw na soo gaaray ayaa sheegaya in Allaha u naxariistee uu xalay ku geeriyooday gobalka J/dhexe Sheekh Xasan Cabdille Xirsi “Sheekh Xasan Turki oo ahaa Sheekh si weyn looga yaqaanay Gobollada Jubooyinka iyo Soomaaliya isagoo mar ahaan hogaamiyiihii Ururka Raaskaanbooni ee saldhiga ku lahaan jiray Raas kaanbooni.

Xog ay ka heshay Halgan.net qaar ka mid ah Ehelada Sh.Xassan Turki ayaa sheegaya  in Sheekhu uu xalay saq dhexe ku geeriyooday  deegaanka Hargeysa Yarey waxaaana isla saaka sheekha lagu aasay gobalka J/dhexe

Sheekh Xasan Cabdille Xirsi “Sheekh Xasan Turki” ayaa mudo ka badan 2 sano ku xanuunsanaa deegaano ka tirsan Koonfurta Soomaaliya  waxaana gacanta ku hayey kooxda Al-Shabaab mana uusan helin Sheekhu  daryeel caafimaad

Waxaan alle uga baryeynaa Sh Xasan Turki in alle u naxariisto danbigiisana dhaafo .Taariikh nolaleedka Sheekh Xasan Cabdille Xirsi “Sheekh Xasan Turki dib baan idiinka soo gudbin doonaa hadii alle idimo.

Halgan.net