Gawaari xamuul ah oo ku xaniban waqooyiga magaalada Gaalkacyo ee xarunta gobalka Mudug
December 24, 2016 - Written by EditorGaalkacyo:-Wararka naga soo gaaraya magaalada Gaalkacyo ee xarunta gobalka Mudug ayaa sheegaya in ku dhawaad 100 gaari ay ku xaniban yihiin waqooyiga magaalada Gaalkacyo .
Gawaarida Xamuulka ah ayaa waxaa ay ka kala yimaadeen Koonfurta Soomaaliya qaar ka mid ahna waxay Xamuul ka soo qaadeen Degmada magaalada Ganacsiga Puntland ee Boosaaso.
Gawaarida ayaa dhamaan waxay ku wada xaniban yihiin Kantaroolka Waqooyi ee magaalada Gaalkacyo ka dib markii ay Puntland diiday inay gawaarida isaga gudbaan Koonfurta iyo Bartamaha Soomaaliya.
Ganacsatada Soomaaliyeed oo ay u raran yihiin gawaarida ku xaniban waqooyiga magaalada Gaalkacyo ayaa aad uga xun in ay xanibmeen ganacsigoodii qaar ka mid ah gawaarida oo sida xamuul culus ayaa waxaa ka banjaray taayirada ka dib markii mudo ka badan 7 bari ay taagnaayeen .
Ilo wareed lagu kalsoon yahay oo ay la xiriirtay Halgan.net ayaa sheegaya in uu jiro khilaaf ka dhex jira Maamulka Puntland kaas salka ku haya gawaarida ka imaneysa Koonfurta iyo Bartamaha Soomaaliya in ay ka soo gudbaan Gaalkacyo waxaana soo baxaya warar iska horimaanaya oo ay ku hadlayaan madaxada iyo saraakiisha ciidanka Puntland.
A/Cawale
Halgan.net