Taliye ku xigeenkii 3aad ee ciidamada Booliska Puntland oo ku geeriyooday Boosaaso

Boosaaso:-Taliye ku xigeenkii 3aad ee ciidamada Booliska Puntland G/dhexe Jaamac Saxardiid ayaa saaka ku geeriyooday magaalada Boosaaso ee xarunta gobalka Bari waxaana uu taliyuhu u geeriyooday dhaawac ay shalay u geysteen rag ka tirsan Al-Shabaab.

G/dhexe Jaamac Saxardiid Taliye ku xigeenkii 3aad ee ciidamada Booliska Puntland ayaa waxaa lagu dhex dilay Hotel Madiina oo ay leeyihiin rag ay isku heyb yihiin mana wadan taliyaha wax ilaalo ah .

Taliyaha ciidamada Puntland Jen.C/qaadir Shire Faarax Ereg oo la hadlay warbaahinta ayaa tacsi u diray eheladii iyo qaraabadii uu ka geeriyooday G/dhexe Saxardiid wuxuuna sheegay in raga dilka geystay la aqoonsaday laguna raad joogo.

M_M Deeq
Halgan.net