Ciidanka PSF oo howl gal ka fuliyey deegaanada Dhadhaabo iyo Ceeldibir ee Buuraha Cal Madow.[Masawiro]

Boosaaso:-Ciidanka Amniga Puntland (PSF) ayaa waxay maanta 20 February, 2018 hawlgal dagaal oo qorshaysan oo ka dhan ah ciidanka ururka Al-shabaab ka fuliyeen Buuraleyda deegaanada Dhadhaabo iyo Ceeldibir ee Buuraha Cal Madow,ee Gobolka Bari. Intii hawlgalkani socday, waxay ciidanka PSF dileen ilaa 3 xubnood oo ka tirsan ciidanka Al Shabaab , tiro kale oo intaa ka badana waxay gaarsiiyeen dhaawacyo kale duwan.

Dhanka kale, ciidanka PSF waxay gacanta ku soo dhigeen 2 maxbuus oo ka tirsan ururka  Al- shabaab, kuwaas oo loo gudbiyey xabsiyada magaalada Bosaaso.

Qoraal ay ciidanka PSF ay ku baahiyeen bar ay ku leeyihiin baraha bulshada ayey ku sheegeen in ay sii wadi doonaan hawlgallada joogtada ah ee ay kaga hortagayaan falalka argagixisanimo ee kooxaha Al-shabab ee damacoodu yahay in ay geystaan falal argagixisanimo oo ka dhan ah shacabka iyo dawladda Puntland.

no images were found

M_M_Deeq
Halgan.net