Madaxweynaha Puntland oo kormeeray Xarunta Taliska Ciidanka Daraawiishta Puntland

Garoowe:-Madaxweynaha Dowladda Puntland Mudane Siciid Cabdullaahi Deni, ayaa maanta Kormeeray Xarunta Taliska Ciidanka Daraawiishta Dowladda Puntland ee 54-aad, halkaasi oo uu kulan dardargelin amni ah Kula qaatay Saraakiisha Ciidanka Qalabka Sida ee Dowladda Puntland.

Madaxweynaha ayaa kormeeray qeybaha kala duwan ee xarunta , sida Ceelka Biyaha ee loo dhisay Taliska, Qeybta Fanka iyo Suugaanta ee xarunta oo Kooxda Horseed ee Ciidanka Daraawiishta ay kusoo bandhigeen sugaan ku saabsan baraaruga Dowladnimada iyo horumarka Dalka ka socda .

XAFIISKA WARFAAFINTA MADAXTOOYADA DOWLADDA PUNTLAND.

——–DHAMMAAD—–