Dagaal khasaaro badan geystay oo ka socda Gobolka Shabellaha Hoose

Janaale:-Wararka ka imaanaya gobalka Shabeelada Hoose ayaa sheegaya in dagaal ay qeyb ka yihiin ciidanka DFS oo salka ku haya qabiil uu ka socdo deegaanada Janaale iyo Awdheegle waxaana dagaalka uu barakiciyey dad rayid ah oo beeraley ah .

Labada beelood ee haatan dagaalka ka dhex socdo ayaa mid walba waxay ku doodeysaa in iyada duulaan lagu soo qaaday .waxaana qola walba gadaal ka riixaya madax iyo saraakiil ka tirsan DFS.

Dagaalka ayaa waxaa si toos ah uga qeybqaadanaya ciidanka DFS oo u kala baxay labada beelood ee ku dagaalamaya gobalka Sh /Hoose waxaana uu dagaalka ku dhintay ilaa shalay 10 qof waxaana ku dhaawacmay dad kale oo aad u badan.

Illaa iyo hada ma jiraan cid ka tirsan DFS oo ka hadashay dagaalka ka socda gobalka shabeelada Hoose . Waxgaradka Beesha Biyamaal ayaa ku eedeeyey saraakiil ka tirsan DFS in ay barakicin ku hayaan beeshooda.

Dagaalada ka socda gobalka shabeelada hoose ayaa salka ku haya dhulka beeraha iyo deegaanka oo ay isku heystaan labada beel waxaana dagaalada sii hurinaya siyaasiyiin iyo madax ka tirsan DFS.

A/Cawale
Halgan.net