Xiriirka ka dhexeeya Shiicada iyo Yahuuda Sh Dr.Xassan Sh.Cali Warsame [Dhagayso]

Boosaaso:-Waxaa mar kale caawa idiin soo gudbinaynaa haddi Alle Idmo muxaadaradii 2aad ee laga jeediyey Nadwadii diiniga ahayd ee ka dhacayday Masjidka Rowda looguna magacdaray Manhajka Ahlu Sunaha Iyo halka ay ka taagan yihiin Shiicada( منهج أهل السنة وموقفهم من الشيعة) waxaan muxaadaradaan Jeediyey Sh Dr. Xassan Sh.Cali Warsame isagoo uga hadlay Dhibaatooyinkii ay shiicadu ku samaysay dadka muslimiinta ah laga soo bilaabo markii ay soo baxday shiicadu.

Hordhac ka dib waxa uu sheekhu guda galay inuu wax ka sheego gabood falladii ay u gaysteen shiicadu dadka islaamka suniga ah, waxana uu tusaale u soo qaatay isagoo hadalkiisa sii wata, labo dhacdo oo ay shiicadu sameeyeen.

Dhacdada koowaad oo dhacday sanadkii 290 hijriga, ayaa ahayd in nin hogaamiye shiici ah iyo ciidan uu wato ay jidka u galeen dad muslimiin ah oo xajka ka yimid,markii ay iska hor yimaadeen xujaydii way iska difaaceen markii ay isku daaleen ayaa hogaamiyihii shiicadu ku yiri muslimiintii “ ma idin la socdaa hogaamiyihiinii ? muslimiintii waxay ku jawaabeen “May” ka dibna waxay ku yiraahdeen iska socda idinka idin ma aannaan doonay, iyagoo doonaya in ay dhakraan , xujaydii way iska tageen markii ay is dhigteen muslimiintii hubkoodii ayay ka daba tageen oo gaadeen, waxayna halkaa ku dileen in ku dhow 20kun oo xaaji,ceelashii ka ag dhawaana way xabaaleen.

Dhacdada labaad waxay ahayd xilli hore inay shiicadu soo gashay Xaramka halkaasna ay kulaayeen xujjay aad u fara badan, markii ay xujaydii seeftii ka dhargiyeen ayay u yaaceen xaga Kacbada iyagoo ku dhag dhagaya daahyadeeda laakiin kama aysan harine halkaasna waa ku dhammeeyeen, intaa ka dib waxay qaateen xajjarul Aswadka iyagoo la maqnaa in ka badan 20 sano kuna haystay meesha layiraahdo “Axzaa.”

Sh Dr.Xassan Sheikh Cali Warsame waxa uu sheegay dhacdooyin kale oo iyaguna ka dhacay Xaramka sidda mid ka dhacday sanadkii 1987 in shiico dagaal ku qaaday xujaydii halkaasna ay ku dileen xujjay fara badan iyaga dad badan looga laayay. Haddaba waxaa iswaydiin mudan maxay shiicadu dadka ugu laysaa xaramka ilaahay?

no images were found

Hoos Ka Dhagayso Xiriirka ka Dhexeeya Shiicadda iyo Yahuuda Sh Dr.Xassan Sh.Cali Warsame

[audio: http://k003.kiwi6.com/hotlink/od7yjn8us2/Xiriirka_Ka_Dhexeeya_Shiicada_Iyo_Yahuuda_Sh.Dr_Xasan_Sh.Cali_Warsame.mp3 ]

Halkaan ka Dhagayso Mp3

Mu’ssadda Al-Minhaaj
Bosaso,Halgan.net