Guddoomiyaha cusub ee Gobolka Sanaag Maxamed Ismaaciil Jaamac oo xilka la wareegay
October 16, 2012 - Written byWaxaa magaalada Badhan ee caasimada Gobolka Sanaag ka dhacay xaflada ay xilka kula kala wareegayaan Guddoomiyih hore ee Gobol ka Sanaag Maxamed Siciid Nuur iyo guddoomiyaha cusub Maxamed Ismaaciil Jaamac oo dhawaan xilka loo soo magacaabay. Xaflada xil wareejinta ayaa waxaa ka soo qayb galay Isimo , waxgarad , aqoon yahano iyo weliba wasiir ku xigeen amniga dowllada Puntlland Cabdi Jamaal Maxamed Cismaan oo maalmo ka hor soo gaaray magaalada Badhan isagoo ay galbinayaan ciidamo ka tirsan daraawiishta Puntlland.
Wasiir ku xigeenka amniga dowllada Puntlland Cabdi Jamaal Maxamed Cismaan ayaa waxaa uu amaan u soo jeediyey guddoomiyii hore ee Gobolka Sanaag Maxamed Siciid Nuur isagoo ku sheegay nin wax badan u qabtay Gobolka Sanaag wax badan ka soo shaqeeyey sidaas darteedna laga doonayo guddoomiyaha cusub ee Gobolka Sanaag Maxamed Ismaaciil Jaamac in uu gobolka wax la taaban karo ka qabto gaarsiiyana horumarka ay ku talaab sadeen Gobolkada kale ee Puntlland.
Wasiir ku xigeenka amniga dowllada Puntlland Cabdi Jamaal Maxamed Cismaan ayaa sidoo kale sheegay in Gobolka sanaag oo ay caasimada u tahay Badhan ay ka tirsan tahay Puntlland cid kalena aysan sheegan karin isagoo ku nuuxnuuxsaday in soomaaliya ay yeelatay dowllada Federaal ah Puntlland ay ka tahay qayb cid carqalad galin karta nabad iyo horumarka ka jira Gobolka Sanaagna aysan aqbali doonin dowlladiisuna ay ka hortagi doonto.
Ma ah markii ugu horaysay oo Wasiir ku xigeenka amniga dowllada Puntlland Cabdi Jamaal Maxamed Cismaan iyo Saraakiil ka tirsan dowllada Puntlland ay safari ku yimaadaan Gobolka Sanaag iyagoo kulamo gaar gaar ah la yeeshay odayaasha,aqoonyahanada iyo waxgaradka kale ee nool gobolka Sanaag.
M_M_Deeq
Halgan.net