Howlgalo ay ciidamada huwanta ka sameeyeen Kismaayo oo lagu soo qabtay hub

Kismaayo:-Wararka naga soo gaaraya magaalada Kismaayo ee xarunta gobalka J/hoose ayaa sheegaya in ciidamada huwanta ay maanta howlgalo ka sameeyeen qaar ka mid ah xaafadaha magaalada Kismaayo waxayna gacanta ku soo dhigeen hub iyo miinooyin lagu aasay qeybo ka mid ah magaalada .

Ciidamada huwanta ee haatan ku sugan magaalada Kismaayo ee xarunta gobolka J/hoose ayaa waxaa kale oo ay howlgalada ku soo qabteen dhowr qof  oo looga shakisan yahay in ay ka tirsan yihiin Ururka Al-Shabaab waxayna ku soo xireen saldhiga Booliska ee magaalada Kismaayo.

Sarkaal ka tirsan Ururka Raaskambooni ayaa u xaqiijiyey  in maanta howlgaladii ay qaadeen ay ku soo qabteen dhowr qof oo lala xiriirinayo Ururka Al-Shabaab iyo  hub iyo miinooyin lagu aasay qeybo ka mid ah xaafadaha ay ka kooban tahay Kismaayo.

Dhanka kale Ganacsatada Dhuxusha ayaa waxay ka codsadeen Maamulka iyo Saraakiisha ciidamada huwanta in loo fasaxo in ay dhoofsadaan dhuxusha taala gudaha magaalada Kismaayo si aysan u khasaarin.

A/Cawale
Halgan.net